Мектеп жанындағы лагерьлердің екінші маусымы басталды, ал музей жас қонақтарды қуана қарсы алуда. Бүгін бізге «Алтын кілт» эстетикалық тәрбие студиясының тәрбиеленушілері келді. Балаларға арнап біз «Әуенді тап» атты музыкалық викторина ұйымдастырдық. Оқушылар таныс әуендерді қуана танып, тапқырлықтары мен тамаша музыкалық түйсігін көрсетті.Сонымен қатар жас қонақтар музыкалық аспаптармен танысып, олардың дыбысталуы мен ерекшеліктері туралы білді.Бұл жай ғана экскурсия емес, нағыз музыка әлеміне саяхат болды. Әр бала жаңа әсер алып, өзіне ерекше жаңалық ашты.