Бүгін музейдің «До-ми-соль-ка» жобасының қатысушылары М. Әлімбаев атындағы мектептің оқушылары болды. Оқушыларды музыка әлеміне қызықты саяхат күтіп тұрды. Олар музейдің тарихымен және бірегей күйтабақтар топтамасымен танысып, дыбыс жазу тасымалдағыштарының және музыканы тыңдауға арналған құрылғылардың қалай өзгергенін біліп, музыкалық техниканың даму жолымен танысты.
Мектеп оқушылары музыкалық аспаптарға арналған танымдық викторинаға ерекше қызығушылықпен қатысып, өздерінің білімдерін, зеректігі мен тапқырлықтарын көрсетті.
Кездесудің жарқын қорытындысы «Әуенді тап!» ойыны болды. Бұл ойын қатысушыларға көтеріңкі көңіл күй, жағымды эмоциялар мен ұмытылмас әсер сыйлады.
Оқушыларға белсенділігі, білімге деген құштарлығы және музыка әлеміне деген қызығушылығы үшін алғысымызды білдіреміз!