Ұлттық домбыра күніне арналған «Домбыра-рухтың үні» атты тақырыптық кеш №28 орта мектеп оқушыларының қатысуымен өтті. Іс-шара барысында оқушылар қазақтың музыкалық мәдениеті әлеміне қызықты саяхат жасап, ұлттық мұрамыздың символына айналған домбыраның сан ғасырлық тарихымен танысты. Кеште ұлы күйші-композиторлар Құрманғазы, Тәттімбет және Дина Нұрпейісованың шығармашылығына ерекше назар аударылды. Оқушылар музей қорындағы патефон күйтабағынан Құрманғазының әйгілі «Адай» күйін тыңдап, дәстүрлі қазақ музыкасының қайталанбас үнін сезіне білді. Сондай-ақ олар домбыраның құрылымы, осы бір ғажайып аспапты жасау ерекшеліктері және оны дайындауда қолданылатын материалдар туралы көптеген қызықты мәліметтер алды.