Польшалық туристер үшін музей қорынан Польшаның мәдениеті мен тарихына арналған ерекше көрме дайындадық.
Қонақтар 1955–1980 жылдардағы «Польша» журналдарымен, поляк композиторлары мен әншілері туралы кітаптармен танысты. Ал поляк авторларының туындылары жазылған музыкалық күйтабақтар топтамасы ерекше қызығушылық тудырды. Олардың арасында танымал поляк әншілері мен музыкалық ұжымдарының орындауындағы әндер жазылған сирек кездесетін патефон және винил күйтабақтары бар.
Қонақтарды біздің поляк мәдениетіне, әдебиеті мен музыкасына деген қызығушылығымыз ғана емес, сонымен қатар музейдің күйтабақтар қорының байлығы да таңғалдырды.
Мұндай кездесулер мәдениет пен музыканың шекаралар мен қашықтықтарға қарамастан, адамдарды біріктіре алатынын тағы бір мәрте дәлелдейді! Сәтті сапар тілейміз! Дәстүрлі кездесулер жалғаса берсін!